吾是一个土生土长个上海人，勒拉交关多个上海各种方言俚语当中，勒其中还有两组词眼个意思实则是一色似样个，伊拉分别指个就是“劈硬柴”搭“AA制”，“劈硬柴”迭个词眼个沪语读音应该是：“pi eng za”。吾勒讲迭个两组词眼前头，眼扳数先唻讲各位学者、外省市人是哪能唻看待上海迭座城市、对上海人会有啥个看法！
余秋雨教授曾经撰写过《上海人》一文，对于上海迭座城市、上海人，伊是迭能唻讲讲个，还做过精辟个分析，吾择取自认为是交关有特色个那一个部分。伊是这样唻撰写个，讲道：“几乎全国各地，对上海人都没有太好的评价。精明、骄傲、会盘算、能说会道、自由散漫、不厚道、排外、瞧不起大领导、缺少政治热情、没有集体观念、对人冷淡、吝啬、自私、赶时髦、浮滑、好标新立异、琐碎，世俗气……如此等等，加在一起，就是外地人心目中的上海人。”覅仅是迭能唻，伊勒撰写《上海人》一文当中，还撰写有迭能个一段文字，讲道：“可是交朋友却千万不要去交上海人，上海人出手不大方，宴会桌上喝不了几杯酒，与他们洽谈点什么却要多动几分脑筋，到他们家去住更是要命，既拥挤不堪又处处讲究。这样的朋友如何交的？”……
台湾女作家龙应台曾经以调侃方式撰写过《啊，上海男人》一文，就畀刊登勒1997年1月7日个《文汇报·笔会》中，伊大致意思是讲，上海男人是全世界顶稀有个品种，对老婆过分迁就，做任何一桩事体，侪是以老婆高覅高兴、满覅满意为主，处处替老婆及老婆个家人着想，只要是老婆有讲一，伊就覅敢讲二，即便是老婆放过一只屁，伊也会讲是香个搭好个，屋里向任何一桩家务劳动，也包括“买汏烧”勒其中，侪是由男人大包大揽下唻个，女人只要是去动一动口舌就好……自从迭篇文章刊登出唻以后，还引发过轩然大波，声讨个浪潮也是一浪高过一浪，既有打电话到报社声讨作者个，也有作家声讨作者个，勒大陆交关多个地区，既会写作，又熟知上海历史文化及各类人事物情个作家，纷纷群起而攻之，认为龙应台既勒“侮蔑”上海男人，同时又是勒丑化上海男人，讲上海男人侪是真正“大丈夫”云云。
有覅少东北老爷们个眼睛里向，对于上海人可以讲是“气就覅打一处唻”个，还会各执己见个去认为，对于上海（男）人唻讲伐，实则就是属于“狗皮到灶”搭“小家败气”一类个人，还邪气欢喜斤斤计较个，显得交关个小家子气，简直就覅像一个纯（老）爷们。
【备注：“狗皮到灶”搭“小家败气”，迭两组词眼是属于沪语方言俚语闲话，迭两组词眼个意思是形容勒做人方面交关小气。】
东北人讲过一则故事，讲曾经看到有四位教授模样个上海男人，勒一家全国闻名个小吃店，点一份邪气有当地特色个小笼，而且还是四个人合点一份小笼唻尝尝味道，等小笼喫好以后，还等到要付铜钿个辰光，每个人就付自家喫忒个一份铜钿，绝对覅会多出一分。
东北人继续讲下去，讲道：“侬看吾伲东北人就是搭上海男人覅大一样个，就显得豪爽好客落落大方，只要到东北唻、只要是东北人请客喫饭，绝对覅会让客人唻买单，覅管是勒自家屋里请客喫饭，还是上馆子请客人喫饭，基本浪向整桌人只要是盯牢其中一道菜肴喫就好，而且覅管喫多少辰光，是‘永远’覅会让迭道菜肴‘见底’个。假使有两个男人扭打勒一道，极有可能是互相抢着要去买单，勒东北谁就是今早最终买单个人，侪是属于倍有面子个一个人！”……
东北人光请客喫菜还是覅算个，还只能算是其次，顶顶主要个就是－－喫老酒是交关结棍个，而且男女喫老酒侪是一样个。东北人要么覅喫酒，一旦喫起酒，基本浪只喫那些度数高个高粱酒，覅仅是自家要喫交关多个老酒，还会一杯一杯复一杯，更要覅停个劝酒、灌酒，还会要求客人也要像伊喫得一样多，东北人顶好客人喫醉酒，唯有客人喫醉以后心里侪觉着心满意足，要覅然东北人就会觉着，覅是客人看覅起东北人，就是迭顿饭没请好客，是呒没面子个一桩事体。
正所谓一方水土养育一方人，实际浪向东北地区个人，对上海迭座城市文化以及城市里向个人，覅是邪气了解熟悉，因此产生一定个误解。殊覅知，勒上海人个眼睛里向，样样事体做得会像小葱拌豆腐一样一清二楚清清爽爽，侪是真正个覅计较。上海人还信奉迭能个一条原则，吾坚决覅会唻揩侬一分油，侬也休想唻沾吾半分便宜！
吾还想讲个一句话又会是啥么事？！迭个就是－－上海人勒行为处事个方式上头，搭中国其他省份或地方个人绝对是属于覅大一样个，也是有着天壤之别个，上海人从唻侪覅会觉着“请客”喫饭，是“倍有面子”个一桩事体，只有那些真正懂得喫啥个好个小菜个人群或个人；真正会懂得喫个人群或个人；勒请客喫饭方面，喫得既有礼又得体个人，还能让喫饭个客人感到称心如意个辰光；也只有勒迭个辰光，侪好算得上是真正“有面子”个人，要覅然个闲话是覅算数个。
对于老一辈个上海人唻讲伐，是坚决覅大会得三天两头去做“请客喫饭”迭个一类事体，也只有勒万不得已个辰光，而且还是需要请客喫饭个辰光侪会迭能唻做，还要是点一桌子菜肴喫覅光个闲话，更要是浪费有交关多个小菜，就会畀其他个上海人看覅起个，还要笑请客喫饭个人是一个覅懂生活个人，勒吃个方面是“覅懂经”个！
【备注：“懂经”则是指对某些行当或某一类人事物情就是属于邪气熟悉搭精通个，而“覅懂经”就是指啥个侪是覅大懂个人。】
上海人勒请客喫饭方面，还是按照人数唻计算个。比方讲：今早唻聚会喫饭个人要是有十位，顶多也只会去点十道菜肴，外加一碗汤搭两种覅同类型个小点心，还会点餐馆内一些具有特色个菜肴。
除忒“婚宴”“寿宴”以及“公款吃喝”以外，上海人做每一桩事体，交关欢喜讲究“清清爽爽”，一分一厘也要算得清爽没老坑，聚会喫饭喫酒个辰光也是迭能，算清爽以后，大家出自家应该出个那一分子就好，覅管谁，既覅会少出，也覅会去多出个。因为上海人觉着唯有迭能去操作，就会得有如下个三种好处。第一是：亲朋好友之间侪覅会伤及到感情；第尼是：覅会因经济条件个好与差，产生相互之间侪看覅起对方个情况；第三是：上海人快节奏效率邪气高，亲朋好友之间聚会见一趟面覅大容易，每趟聚会个辰光，上一趟参加个人，等下一趟就覅一定表示还能够参加，要是讲某人覅能参加聚会，又要叫对方出份子，就是让对方“奥门痛”，顶好个一个办法就是，凡是今早唻参加聚会个人，大家互相“劈硬柴”，执行“AA制”政策，相互之间就覅会有心理上个负担，避免产生“欠人一顿”个感觉！
【备注：“奥门痛”是一句沪语方言俚语词眼，伊所要表达个意思就是勒讲比喻心里有一种讲覅出个痛，但并覅是真正个疼痛。】
像“劈硬柴”搭“AA制”迭两组词眼意思实际就是一色似样个，所要表达个意思侪是勒讲一是一二是二，清清爽爽个覅拖泥带水，勒操作任何一桩人事物情个辰光，还只要是要出铜钿凑份子个闲话，所有人侪要平均分摊。只畀过，“劈硬柴”是一种交关老派个讲法，老一派上海人讲得交关多，至少是爷爷一辈个上海人要讲得多一眼，“AA制”是后唻侪开始流行起唻，年轻一辈人使用频率唻得多一眼。
对于上海地方语言有一些了解个人群或个人，勒其中有一些人就会去认为，像“劈硬柴”迭个词眼顶正确个一种写法，就应该写作“劈硬材”，而覅是写作“劈硬柴”，实际浪向迭些人侪覅是顶正宗个上海人，侪是自家按照读音臆想出唻个词眼。其实勒上海闲话当中，“柴”搭“材”个发音绝对是覅相同个，前者是齿尖发声，同上海闲话当中“惹”字发音是一样个；然而后者是发“开口音”个，同上海闲话当中“赚”字发音是一样个；“惹”搭“赚”两个音勒普通话当中是相去甚远个，故而“柴”搭“材”勒上海闲话中发音也是迭能个。
还有覅少个老一辈上海人就会产生迭能个一种观点唻，还会去认为自从上海畀开埠以唻以后，就逐渐个转变成为开放搭洋派，学习外国人个各类人事物情就变得交关多，尤其是学英文个人顶多，因此“劈硬柴”迭个词眼邪气可能是从英语当中学唻个，实际浪向但凡是有迭种想法个人侪是畀搞错。“劈硬柴”首先就是由从前一些老饕喫客们发明出唻个，辰光一长就畀大家推而广之。每趟要聚会个辰光，就推荐一人做东，剩下唻个人各出等额银钱，如果有超出部分，就由做东个人付铜钿，每趟做东个人侪是覅相同个，覅是事先约定好，就是通过抽签唻决定做东个人，做东个人还要选好地方并负责点小菜。迭能操作个分法，既可以保证做东个人，有一定个、足够个积极性，又可以保证做东个人，覅会面临交关大个财政压力，的确是一个好办法！
嘎么，“AA制”又是哪能唻个呢？！伊个出处是有多种讲法个，顶顶集中个讲法，有如下个四种，吾就分别唻加以详细讲清爽。
第一种是：“劈硬柴”搭“AA制”侪是从英文词眼当中翻译过唻个，因为勒民国时期个老一辈上海人，尤其是那些勒租借里向讨生活个上海人，会讲讲一些洋泾浜英文个，勒嘴巴里向会叫“half and half”，“half”中文意思是指“一半”个意思，“half and half”自然是指两个人各付一半啦。交关有趣个讲法就是，今早覅管聚会有得多少人，仍旧可以采用“half and half”，上海人就用上海闲话读音读作为“哈斧－－哈斧”，当然就是指“劈硬柴”搭“AA制”。
第尼种是：“劈硬柴”搭“AA制”侪唻源于英文词语“ ”个缩写，伊是有两种讲法，第一种是讲“代数平均”；第尼种是讲“同样一桩事体由两个人一道唻操作”；两种讲法侪包含有“等分”个意思，极有可能成为“劈硬柴”搭“AA制”个唻历。
第三种是：还有一些人讲，“劈硬柴”搭“AA制”，极有可能是上海人从拉丁文当中学唻个，是众多解释个唻源之一，因为勒西医当中某些处方用药，就是采用拉丁文来标明剂量个，“aa(ana)”今早勒处方上还是能够看到个，伊所要表达个意思指个就是“等分”。
第四种是：有覅少个专家学者认为，勒英语词眼当中，实际是呒没“AA制”迭种讲法，邪气正式个、顶准确个讲法是“Let's split”，其中个“split”中文含义就是说“分开”个意思，是要分啥个么事呢？！当然是指分账单，勒英语词眼个里向，讲得顶多个就是“Let's go Dutch”，翻译成中文意思是讲：“就让吾伲一道唻做荷兰人！”
还有个就是，为啥事体勒拉讲英语单词或句子个辰光，要去采用“Let's go Dutch”迭句英语句子呢？！据讲顶主要个一个原因则是迭能样子个，荷兰就是迭个地球村上顶早开展贸易个国家，荷兰人又是属于全欧洲地区顶顶抠门搭小气个人，又据传说顶早采用“AA制”个方法，就是由荷兰个阿姆斯特丹发明出唻个，而且还畀迭个习惯发扬光大到全世界。因为迭是一个大港口，往唻个客商络绎不绝，今早搭侬聚餐，就覅知道下一趟是否还能够遭遇到侬，所以采用“分账”方式是顶顶公平、顶顶好个方法，辰光一长久而久之，荷兰人就以“AA制”闻名全世界，大家通通就畀“分账制”叫做“go Dutch”。
因为撰写迭篇文章个缘故，吾还看到过迭能个一则新闻搭旧闻，就有各类媒体曾经还报道过一则新闻哦，迭个就是－－做过一趟有关于谈恋爱个全国性调查搭访问（问卷），提问者就说从谈恋爱到结婚组成一个家庭，勒拉其间，男女双方是否愿意采用“劈硬柴”搭“AA制”个迭种方式搭方法？！由于有得交关多个国人受到传统文化个影响，大家认为谈恋爱期间，男人付铜钿自然要比女方唻得多，比率居然要高达56.5%；有26.1%个人认为，就勒谈恋爱期间，所有开销应该侪是由男方“承包”下唻；有45.2%个男人认为，男人多支出，就能“证明自家勒经济方面独立”；有29.9%个人表示只要是双方关系好 ，“无所谓”由啥人买单；只有10.2%个人支持“劈硬柴”搭“AA制”。
而且对于居住勒大城市里向个人唻讲伐，绝大多数个人侪是会拥有迭能个一种想法个。像吾居住个上海迭座城市，谈朋友一样是迭能样子个。上海小姑娘一旦等到适合谈朋友个年龄以后，每交往一趟男朋友个闲话，第一趟交往，覅管成功与否，基本浪向侪是由男方唻买单付铜钿。假使讲，要是有女方表示自家也愿意买单，采用“劈硬柴”搭“AA制”，绝大多数个意思就是讲，侬覅是吾碗里向要个迭道小菜，吾对侬一眼感觉也呒没个，吾伲两个人“奥斯两八开”就此结束吧。【备注：“奥斯两八开”是沪语方言俚语，伊个意思是讲暂停。】
千万覅要一味个认为，上海人只会“劈硬柴”搭“AA制”，实际浪向，勒某些上海人当中也有“不等分”个喫法。吾读大学本科期间，结交有一帮子个好朋友，至今已经有十六年，每年侪要聚会好几趟个，明明讲好采用“劈硬柴”搭“AA制”个，有好几趟等酒宴结束以后就完全变样，覅是由老班长张孝光压压较侪买单付账，就是由年龄顶大个老大哥文小明，寻找各式各样个因头，买一趟又一趟个单子。
吾则是迭能唻理解、认得并去认为迭桩事体个，既然每趟搭亲朋好友聚会个辰光，侪是自家喫自家个，既用覅着去摆啥个阔气个，也覅要去铺张浪费，每当酒宴聚会个辰光，大家侪采用“劈硬柴”搭“AA制”，能喫多少就去点多少，既经济又实惠，何乐而覅为呢？！
【备注：①：文章为作者原创；②：方言词语解释图片是作者自家编辑个；③：各种上海风景图片、聚会喫饭图片侪是唻源于网络上头；④：万分感谢原创图片。】
杜老倌侠客居（陆伟）写于2019年06月01日礼拜六夜里向
———END———
限 时 特 惠： 本站每日持续更新海量各大内部创业教程，永久会员只需109元，全站资源免费下载 点击查看详情
站 长 微 信： nanadh666
